Ҫӗнӗ Шупашкарта пурӑнакан режиссер Марат Никитин Юхма Мишшин повеҫӗ тӑрӑх ӳкернӗ «Асампай мучин истоийӗ» фильм кионтеатр экранӗ ҫине тухӗ. Вӑл – вырӑсла.
Вӑрҫӑ вӗҫленнӗ. Фильмри пулӑмсем 1949 ҫулта пулса иртеҫҫӗ. Асампай мучи пӗртен-пӗр ывӑлӗ вӑрҫӑран таврӑнасса кӗтме пӑрахмасть. Юлашкинчен вӑл ҫак ҫухатупа пурӑнма хӑнӑхать.
Асампая Чӑваш халӑх артисчӗ Василий Павлов вылянӑ. Фильма Ҫӗнӗ Шупашкар ҫывӑхӗнче 1937 ҫулта хута янӑ ҫуртра ӳкернӗ. Монтаж туса пӗтернӗ. Халӗ прокат удостоверенине хатӗрлеҫҫӗ. Вӑл пысӑк экран ҫине тухасса кӗтмелли ҫеҫ юлать.
Ҫӗнӗ Шупашкарта пурӑнакан 71 ҫулхи хӗрарӑм ҫухалнӑ. Ӑна «Лиза Алерт» шырав отрячӗне хастарӗсем шыраҫҫӗ.
Валентина Максимова (Воронцова) кӑрлач уйӑхӗн 30-мӗшӗнче килӗнчен тухса кайнӑ.
Хӗрарӑм 155 сантиметр ҫӳллӗш, тулли пӳ-силлӗ, ҫӳҫне хӗрлӗрех тӗспе сӑрланӑ, куҫӗ хӑмӑртарах симӗс.
Ватӑ ҫын симӗс куртка, хӑмӑр атӑ, тӗксӗм хӗррлӗ калпак тӑхӑннӑ.
Ҫӗнӗ Шупашкарта пурӑнакан Антонина Степанова 100 ҫул тултарнӑ. Вӑрҫӑ пуҫланнӑ чухне вӑл 17-ре пулнӑ.
Антонина Кирилловна Рязань облаҫӗнче ҫуралнӑ. Вӑрҫӑ вӑхӑтӗнче медсестрасем кирлӗ тесе медтехникума вӗренме кӗнӗ. Вӗренӳ хыҫҫӑн кашни кун госпитале аманнисене пӑхма ҫӳренӗ.
Вӑрҫӑ хыҫҫӑн Антонина Василипе пӗрлешнӗ. Малтан вӗсем Украинӑра пурӑннӑ, кайран - Абхазире. Мӑшӑр ывӑлпа икӗ хӗр ӳстернӗ. Упӑшкинчен тӑлӑха юлсан Антонина Ҫӗнӗ Шупашкара аслӑ хӗрӗ патне куҫса килнӗ.
Паян ирхине Шупашкарти Граждан тата Чернышевский урамӗсем хӗресленнӗ вырӑнта авари пулнӑ: троллейбус, маршрутка тата автобус ҫапӑннӑ.
Автобус – 37-мӗш маршрутпа ҫӳрекенскер, маршрутка – 234-мӗш. Троллейбусра пассажирсем пулман. Халӗ ӗҫ-пуҫа уҫӑмлатаҫҫӗ.
Ҫӗнӗ Шупашкарта вара 11 сехет те 10 минутра Совет тата Пионер урамӗсем хӗресленнӗ вырӑнта авари пулнӑ. «Ладӑпа» «Мерседес» ҫапӑнсан 3 ҫын аманнӑ.
Вӗсен Чӑваш Ене пӗлтӗр раштав уйӑхӗн 1-мӗшӗчченех килмелле пулнӑ. Анчах паянхи кун кӑна илсе ҫитернӗ. Сӑмах – ҫӗнӗ троллейбуссем пирки. Паян республикӑна троллейбуссен пӗрремӗш партийӗ ҫитнӗ. Транспорта Шупашкарти троллейбус депоне кӳрсе килнӗ.
Аса илтерер: ҫӗнӗ троллейбуссемпе 62-мӗш маршрута хута ярасшӑн. Вӑл Ҫӗнӗ Шупашкарти Иваново микрорайонӗнчен Шупашкарти Чапаев савучӗ таран ҫӳрӗ. Малтанлӑха пӗлтернӗ тӑрӑх, маршрут пӗрремӗш квартал вӗҫӗнче уҫӑлмалла.
Кӑҫал Чӑваш Ене тепӗр 92 троллейбус илсе килмелле.
Паян 9 сехет ҫурӑра Ҫӗрпӳ муниципалитет округӗнче «Тойота» «Канаш – Шупашкар» маршрутпа ҫӳрекен автобуспа ҫапӑннӑ. Шел те, ҫӑмӑл машина рулӗ умӗнче ларнӑ 58 ҫулти хӗрарӑм, Ҫӗнӗ Шупашкарта пурӑннӑскер, вилнӗ.
Авари вӑхӑтӗнче автобус салонӗнче 7 пассажир пулнӑ. Вӗсем аманман.
Малтанлӑха пӗлтернӗ тӑрӑх, «Тойота» рулӗ умӗнче ларнӑ хӗрарӑм транспорта итлеттереймен – хирӗҫ ҫул ҫине тухса кайнӑ та «Грантӑна» кӑштах лектернӗ, унтан микроавтобус ҫине пырса кӗнӗ.
Ҫӗнӗ Шупашкарти больницӑна ҫӗҫӗпе суранланса пӗтнӗ хӗрарӑма илсе ҫитернӗ. Унӑн хырӑмӗ тӗлӗнче ултӑ хутчен ҫӗҫӗпе чикни паллӑ пулнӑ. Пысӑк юн тымарӗ суранланнӑран юн шала кайнӑ.
Больницӑна илсе ҫитериччен хӗрарӑм 1 литра яхӑн юн ҫухатнӑ. Унӑн пурнӑҫӗ хӑрушлӑхра пулнӑ. Ӑна тӳрех операци тунӑ. Вӑл питӗ кӑткӑс пулнӑ: шалти органсем суранланнӑ, хӗрарӑма ҫӑлма вӑхӑт сахал юлнӑ.
Операци ӑнӑҫлӑ иртнӗ. Пациент икӗ кун реанимацире выртнӑ. Ҫав тапхӑрта та тухтӑрсем унӑн пурнӑҫӗшӗн кӗрешнӗ. 10 кунран хӗрарӑма киле янӑ.
Ҫӗнӗ Шупашкарти общежитисенчен пӗри ишӗлме тытӑннӑ. Кун пирки унта сакӑр ҫул пурӑнакан хӗрарӑм тӗнче тетелӗнче виҫӗ видео вырнаҫтарнӑ. Вӑл ҫӗршыв Президенчӗ Владимир Путин тӳрӗ эфир ирттернӗ чухне ҫыру та ҫырса янӑ. Ҫурт маччи тата кирпӗч стенасем ишӗлеҫҫӗ, стенасем кӑвакарса ларнӑ, электропӑралук япӑхса кайнӑ иккен. Тӗрлӗ инстанцие ҫӑхавланин усси пулман-мӗн.
Асӑннӑ ҫуртпа ҫыхӑннӑ лару-тӑрӑва Раҫҫей Следстви комитечӗн председателӗ Александр Бастрыкин тӗрӗслесе тӑрӗ.
Ҫӗнӗ Шупашкарта спорткомплекса юсанӑ чухне рабочи вилнӗ.
Ҫавӑншӑн Йӗпреҫ муниципаллӑ округӗнчи усламҫӑна явап тыттарасшӑн. Тӗпчевҫӗсем шухӑшланӑ тӑрӑх, пӑтӑрмах усламҫӑ ӗҫ хӑрушсӑрлӑхне пӑхӑнманран пулса иртнӗ.
2022 ҫулхи ака уйӑхӗнче 3-мӗш спорт шкулӗ юсав ӗҫне ирттерме строительство организацийӗпе килӗшӳ тунӑ. Инкек пӗлтӗрхи пуш уйӑхӗн 4-мӗшӗнче сиксе тухнӑ. Вентиляци шахтинче 15 метр тӑршшӗ тимӗр пӑрӑха вырнаҫтарнӑ вӑхӑтра пӑрӑхӑн аялти пайне каснӑ чухне ҫав татӑк рабочин пуҫӗ ҫине ӳкнӗ. Шар курни инкек вырӑнӗнчех вилсе кайнӑ.
ЧР Элтеперӗ иртнӗ ҫул вӗҫӗнче тӳрӗ лини ирттернӗ вӑхӑтра Ҫӗнӗ Шупашкарти Совет урамӗнчи 20-мӗш ҫуртра пурӑнакансем ыйту янӑ. Вӗсен ҫурт стени ҫурӑлса кайнӑ. Ҫынсем управляющи компанипе кӗрешсе ывӑннӑ-мӗн. Вӗсем хӑйсен укҫипе экспертиза тутарнӑ. «Ҫурт ҫынсемпе пӗрле йӑтӑнса анасса кӗтеҫҫӗ-и?» - тенӗ унта пурӑнакансем.
Республикӑри патшалӑх ҫурт-йӗр инспекцийӗ ку ыйтӑва сӑнаса тӑрать. Ҫурт – общежити, ӑна 1967 ҫулта хута янӑ. Унта пӗтӗмпе 161 хваттер. Раштавӑн 22-мӗшӗнче лару иртмелле пулнӑ. Унта ҫурта авариллисен йышне кӗртмелле пулнӑ. Анчах «Никама пӑхӑнман экспертиза» организаци тунӑ отчетра кирлӗ даннӑйсем ҫук-мӗн. Ҫавӑнпа ларӑва куҫарма йышӑннӑ. Хӑҫана хальлӗхе паллӑ мар.
-2.7 °C